Ավանդական մեթոդներ` դեմքի անցանկալի մազերից ազատվելու համար

Կանանց մեծամասնությունն ընտրում է դեմքի մազերից ազատվելու ցավոտ միջոցները:

Անշուշտ, որոշ մեթոդներ իսկապես արդյունավետ են, այնուամենայնիվ, հնարավոր է՝ նաև լինի կողմնակի ազդեցություն:

Ներկայացնում ենք մի քանի բնական և ավանդական մեթոդներ, որոնք կօգնեն տան պայմաններում անցավ ազատվել դեմքի անցանկալի մազերից:

Սոդա

Այս միջոցը պետք է կիրառել քնելուց առաջ: 1 ճ/գ սոդան լցրեք 200մլ եռացրած ջրի մեջ և թողեք՝ սառչի: Բամբակը թրջեք այս լուծույթի մեջ, մի փոքր չորացրեք այն և դրեք դեմքի այն հատվածներին, որտեղ կան անցանկալի մազեր: Բամբակն ամրացրեք կպչուն վիրակապով և թողեք ամբողջ գիշեր: Առավոտյան կարող եք հեռացնել վիրակապը, այնուհետ այդ հատվածներին սնուցող քսուք քսեք:

Այս գործողությունը 2-3 անգամ կատարելուց հետո դեմքի մազերը կսկսեն թափվել:

Յոդ

Ժողովրդական այս դեղամիջոցը պատրաստելու համար ձեզանից կպահանջվի 40 մլ 70%-անոց ալկոհոլ, 1.5մլ ամոնյակ, 2մլ յոդ, 10մլ գերչակի յուղ, հիդրօքսիդ (10%):

Բոլոր բաղադրիչները լավ խառնեք և թողեք խառնուրդը մնա այնքան, մինչև անգույն դառնա: Լուծույթը պետք է քսել դեմքին առավոտյան և երեկոյան: Մի քանի օր օգտագործելուց հետո մազերը կսկսեն թափվել:

Սխտոր

Դեմքի խնդրահարույց հատվածներին թարմ սխտորի հյութ քսեք օրական մի քանի անգամ: Հյութը թողեք դեմքին կես ժամ: Վերջում լվացեք գոլ ջրով և քսուք քսեք:

Մեկնաբանություններ
Կիսվի՛ր