Ինչպե՞ս ճիշտ պատրաստել մալականի թթու․ ներկայացնում ենք բաղադրատոմսը

Բաղադրիչները

5 կգ կաղամբին ՝  250 գ գազար, 2 պճեղ սխտոր, 200 գ աղ, 400 գ շաքարավազ, 4,5 լ ջուր, 2 հատ պղպեղ, սամիթն ու մաղադանոսն՝ ըստ ցանկության

Պատրաստման եղանակը` Կաղամբը լվանալ, կաղամբակոթերը կտրել, հեռացնել ու կաղամբի գլուխը խոշոր կտրատել:

Ջուրը եռացնել ու եռացված ջրին աղ խառնել: Կաղամբը տեղավորել էմալապատ տարայի մեջ ու վրան լցնել աղաջուրը: Կաղամբի վրա ծանրոց դնել ու թողնել 5 օր:

5 օր անց կաղամբն աղաջրից հանել ու մանր կտրտել: Աղաջուրը չթափել: Գազարը լվանալ, կլպել և խոշոր քերիչով քերել:

Սխտորը կլպել ու մանրատել: Մանրատել նաև պղպեղը: Տարայի մեջ լցնել կտրատված կաղամբը: Կաղամբի վրա շաղ տալ գազարը, սխտորը, պղպեղն ու մեկ բռաչափ մաղադանոս:

Աղաջուրը թանզիֆով քամել, եռացնել, թողնել՝ սառչի ու լցնել կաղամբի վրա: Վրան ծանրություն դնել ու երկու օր սպասել:

Երկու օր անց շաքարավազ ավելացնել ու լավ խառնել: Թթուն պատրաստ է:

Մեկնաբանություններ
Կիսվի՛ր