«Հոբբիթի տուն».Բացառիկ, հեքիաթային վայր, ու սա Հայաստանում է գտնվում, իմացեք և հպարտացեք

Արարատ եւ Էդգար Գուլանյան եղբայրները Դիլիջանում հիմնել են հյուրատուն, որն իր տեսքով հիշեցնում է անգլիացի գրող Ջոն Թոլքինի «Հոբբիթ» ֆանտաստիկ վեպի կերպարների բնակավայրը։

 

Հյուրատան տնակների մի մասը հողի մեջ է, տանիքը եւս ծածկված է հողի շերտով, իսկ վրան կանաչ խոտ ու ծաղիկներ են։ «Հոբբիթ» գրքում տնակներն անվանվում են հոբբիթի «որջեր», բայց հեղինակը զգուշացնում է, որ որջ ասելով չպետք է հասկանալ կեղտոտ, խոնավ, աղքատիկ տարածք, այլ հոբբիթի որջը հարմարավետությունն է.

Դիլիջանում կառուցած «Հոբբիթի տուն» հյուրատան գլխավոր նպատակը եւս հարմարավետության ապահովումն է։

Էդգար Գուլանյանը ոգեւորել է համանուն ֆիլմում պատկերված հոբբիթների տների տեսարանով, ծնվել է հյուրատուն կառուցելու միտքը։

Սա եղբայրների առաջին հյուրատունը չէ. նրանք եւս երկուսն ունեն Դիլիջանում, բայց որոշել են նորը դարձնել տուրիստական վայր։

Մեկ շաբաթ է՝ ինչ բացվել է հյուրատունը. եղբայրները հյուրերի պակասից չեն դժգոհում։

Հյուրատունը կառուցել են ընտանիքի անդամներով, Էդգարը նկարիչ-դիզայներ է, նա է գծագրել հյուրատունը, էսքիզներ արել, իսկ ընտանիքի հայրը՝ Արտավազդ Գուլանյանը տեղացի բնակիչներից կազմված աշխատանքային խմբի հետ ղեկավարել է շինարարական աշխատանքը, որից հետո նկարազարդել են պատերը, հյուրատան կահույքը պատրաստվել է դիլիջանցի վարպետների կողմից։

Հյուրատան յուրաքաչյուր տնակ 20 քմ տարածք է զբաղեցնում, հյուրերին դիմավորում են «Հոբբիթի» ֆանտաստիկ հերոսները։

Ըստ Էդգարի եղել են դժվարություններ, օրինակ, թե ինչպես ցեմենտապատել տնակների տանիքը, որպեսզի պահպանվի կորությունը կամ ինչպես հողի շերտ փռել տանիքի վրա, որպեսզի այն չթափվի։

Մեկնաբանություններ
Կիսվի՛ր