Երթուղայինի երիտասարդ վարորդը բոլոր ուղևորներին դաս տվեց․․․նրա արարքը միայն գովեստի է արժանի

Աշխատանքից տուն էի վերադառնում երթուղայինով, երբ ականատես եղա մոտ 25 տարեկան վարորդի արարքին…

Կանգառում 80-82 տարեկան տատիկ բարձրացավ, ազատ տեղ նկատեց և զգույշ նստեց: Լուռ հետևում էի նրան. նա պայուսակից թաշկինակ հանեց, բացեց այն և սկսեց 10-դրամանոց մետաղադրամներով 100 դրամ հաշվել:

Հաջորդ կանգառում խնդրեց վարորդին կանգ առնել, շնորհակալություն հայտնեց երիտասարդին և մեկնեց ձեռքը, որպիսի տա գումարը:

Իսկ հետո եղավ այն, ինչ ոչ ոք չէր ակնկալում տեսնել. վարորդը հրաժարվեց վերցնել գումարը, իսկ երբ տատիկը պնդեց, նա ասաց, որ ուղղակի պատուհանից դուրս կգցի մետաղադրամները:

Տատիկը հուզմունքից սկսեց արտասվել, երբ հանկարծ երիտասարդը խնդրեց բոլորին 2 րոպե սպասել: Վազեց կանգառին մոտ գտնվող խանութ և մի քանի րոպե անց դուրս եկավ 2 մեծ տոպրակներով, որոնք տվեց տատիկին:

Էլ չպատմեմ տատիկի ռեակցիայի մասին, ով բարձրաձայն արտասվելով և շնորհակալություն հայտնելով հեռացավ, երբ հանկարծ նստած կանանցից մեկը դժգոհ ձայնով ասաց.

-Մի՞թե արժեր ինչ-որ շնորհակալություն ստանալու համար այդքան գումար ծախսել, իսկ ուղևորներին էլ սպասեցնել:

Երիտասարդը պտտվեց, նայեց կնոջը և ասաց, որ վերջինս իջնի երթուղայինից, այլապես չի շարունակի ճանապարհը:

Այս երիտասարդը ստիպեց հավատալ, որ աշխարհը դեռ փրկվելու հնարավորություն ունի, դեռ կան բարի մարդիկ, ում վրա կարելի է հույս դնել:

Մեկնաբանություններ
Կիսվի՛ր