Մեր ընտանիքի սիրելի թխվածքը․ ջեմով բուլկիներ, այնքան ախորժելի և փափուկ

Բուլկիները ստացվում են շատ փափուկ և օդային։ Այնքան ախորժելի է և անուշաբույր, որ համից չեք կշտանա։

Անհրաժեշտ բաղադրիչներ․

  • ալյուր՝ 4-4,5 բաժակ
  • չոր խմորիչ՝ 11գ
  • մածուն՝ 1 բաժակ
  • ձեթ՝ 5ճ․գ․
  • շաքարավազ՝ 3ճ․գ․
  • աղ՝ մի պտղունձ
  • դեղնուց

միջուկի համար․

  • ցանկացած ջեմ

Պատրաստման եղանակ․

Թեթևակի տաքացնել մածունը, ավելացնել խմորիչը, խառնել և ավելացնել ձեթը, աղն ու շաքարավազը։ Խառնելուց հետո՝ աստիճանաբար ավելացնել մաղած ալյուրը, հունցել ձեռքերին չկպչող խմոր, ծածկել սրբիչով և թողնել տաք տեղում մոտ 2 ժամ։

Խմորից փոքրիկ գնդիկներ ձևավորել, դնել յուղաթղթով ծածկված տապակի մեջ։

Բաժակի ներքևի հատվածով յուրաքանչյուր գնդիկի մեջտեղի մասում փոսիկ անել։ Լցնել 1,5թ․գ․ ջեմ, իսկ բուլկիի կողքի հատվածներին դեղնուց քսել։

Թողնել 15 րոպե և թխել 180 ջերմաստիճանի ներքո 20-30 րոպե, նախօրոք տաքացրած ջեռոցում։

Բարի ախորժակ։

Մեկնաբանություններ
Կիսվի՛ր